வாலிபரை கத்தியால் குத்திய குற்றத்திற்காக ஒருவரை காவல்துறையினர் கைது செய்துள்ளனர்.
நாகப்பட்டினம் மாவட்டத்திலுள்ள வேதாரண்யத்தில் ரவி என்பவர் வசித்து வருகிறார். இவர் தனது நண்பரான மோகன்ராம் என்பவருடன் சோமநாதர் கோவில் அருகே உள்ள டாஸ்மாக்கிற்கு மது அருந்துவதற்காக சென்றுள்ளார். அப்போது இருவருக்குமிடையே தகராறு ஏற்பட்டுள்ளது.
இதில் மோகன்ராம் தான் மறைத்து வைத்த கத்தியால் ரவியை சரமாரியாக குத்தியுள்ளார். இதனால் பலத்த காயமடைந்த ரவியை அக்கம்பக்கத்தினர் மீட்டு சிகிச்சைக்காக அரசு மருத்துவமனைக்கு அனுப்பி வைத்தனர். இதுகுறித்து வழக்கு பதிந்த காவல்துறையினர் மோகன்ராமை கைது செய்து விசாரணை நடத்தி வருகின்றனர்.