கணவரை மிரட்டுவதற்காக தற்கொலைக்கு முயன்ற பெண் சிகிச்சை பலனின்றி உயிரிழந்தார்.
திருச்சி மாவட்டத்தில் உள்ள வெள்ளிதிருமுத்தம் பகுதியில் செல்வகுமார் என்பவர் வசித்து வருகிறார். இவருக்கு ஜெயா என்ற மனைவி இருந்துள்ளார். இந்நிலையில் மது குடித்துவிட்டு வீட்டிற்கு வந்த செல்வகுமாருக்கும் அவரது மனைவிக்கும் இடையே தகராறு ஏற்பட்டுள்ளது. இதில் கோபமடைந்த ஜெயா தனது கணவரை மிரட்டுவதற்காக தனது உடல் முழுவதும் மண்ணெண்ணெய் ஊற்றிக்கொண்டு தீக்குச்சியை பற்ற வைத்துள்ளார். அப்போது எதிர்பாராதவிதமாக ஜெயாவின் உடலில் தீ பிடித்தது.
இதனை பார்த்து அதிர்ச்சியடைந்த செல்வகுமார் தனது மனைவியை காப்பாற்ற முயன்ற போது அவர் மீதும் தீ பற்றியது. அவர்களின் அலறல் சுத்தம் கேட்டு ஓடி வந்த அக்கம் பக்கத்தினர் கணவன் மனைவி ஆகிய இருவரையும் மீட்டு ஸ்ரீரங்கம் அரசு மருத்துவமனையில் சிகிச்சைக்காக அனுமதித்துள்ளனர். அங்கு சிகிச்சை பலனின்றி ஜெயா பரிதாபமாக உயிரிழந்தார். செல்வகுமாருக்கு தீவிர சிகிச்சை அளிக்கப்பட்டு வருகிறது. இதுகுறித்து வழக்கு பதிவு இந்த போலீசார் விசாரணை நடத்தி வருகின்றனர்.