தமிழகம் உள்ளிட்ட 5 மாநிலங்களில் நடந்து முடிந்த சட்டமன்ற தேர்தலில் வாக்கு எண்ணிக்கை இன்று காலை 8 மணிக்கு தொடங்கியது. அதில் பல்வேறு கட்டங்களாக வாக்குகள் எண்ணப்பட்டு வருகின்றன. முதலில் தபால் வாக்கு எண்ணிக்கை தொடங்கியது. அதன்பிறகு வாக்கு இயந்திரத்தில் பதிவான வாக்குகள் எண்ணப்பட்டு வருகின்றன. அதன்படி மேற்கு வங்க மாநிலத்தில் 8 கட்டங்களாக நடந்து முடிந்த தேர்தலின் வாக்கு எண்ணிக்கை நடந்து கொண்டிருக்கிறது.
இந்நிலையில் மேற்கு வங்க சட்டமன்ற தேர்தலில் தற்போதைய நிலவரப்படி திரிணாமுல் காங்கிரஸ் 209, சிபிஎம் + காங்கிரஸ் 2 மற்றும் பாஜக 29 இடங்களில் முன்னிலையில் உள்ளன. மம்தாவை வீழ்த்த 8 கட்ட வாக்குப்பதிவு, அமித்ஷா மோடி மற்றும் நட்சத்திரங்கள் முயற்சித்தும் மம்தா தனது செல்வாக்கை தக்க வைத்துக் கொண்டுள்ளார். ஆனால் அவரை பாஜகவுடன் மோதவிட்டு வேடிக்கை பார்த்த காங்கிரஸ் மற்றும் இடதுசாரிகள் முழுவதுமாக காணாமல் போயுள்ளனர்.
இதனையடுத்து நந்திகிராம் தொகுதியில் மம்தா பானர்ஜி முன்னிலை பெற்றுள்ளார். 16 வது சுற்று முடிவில் மம்தா s120 வாக்குகள் வித்தியாசத்தில் முன்னிலை பெற்றுள்ளார். அதன்படி மம்தா 1,03,571, சுவேந்து அதிகாரி 1,02,751 வாக்குகள் பெற்றுள்ளனர்.