ஆசிரியரின் வீட்டில் திருடி சென்ற மர்ம நபர்களை காவல்துறையினர் தீவிரமாக தேடி வருகின்றனர்.
ஈரோடு மாவட்டத்திலுள்ள சத்தியமங்கலம் அருகே இருக்கும் பண்ணாரியம்மன் நகரில் ஆசிரியரான ஆறுமுகம் என்பவர் வசித்து வருகிறார். இவர் தனது வீட்டை பூட்டிவிட்டு உடல்நலக்குறைவு ஏற்பட்ட மாமனாரை அழைத்துக்கொண்டு குடும்பத்தினருடன் கோவையில் உள்ள மருத்துவமனைக்கு சென்றுள்ளார். இதனை அடுத்து திரும்பி வந்து பார்த்தபோது வீட்டின் பூட்டு உடைக்கப்பட்டு இருந்ததை கண்டு ஆறுமுகம் அதிர்ச்சியடைந்தார்.
அதன் பின் உள்ளே சென்று பார்த்த போது விரைவில் இருந்த 6 பவுன் தங்க நகை, 33 ஆயிரம் பணம், வெள்ளி டம்ளர், கடிகாரம் ஆகியவற்றை மர்ம நபர்கள் திருடி சென்றது தெரியவந்துள்ளது. இதுகுறித்து ஆறுமுகம் காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் மர்ம நபர்களை தீவிரமாக தேடி வருகின்றனர்.