மருந்து உற்பத்தி நிறுவனங்கள் மற்றும் விற்பனையகத்தில் பரிசோதனை மேற்கொண்டதில் 41 மருந்துகள் தரமற்றதாக இருந்ததாக மத்திய மருந்து தர கட்டுப்பாட்டு வாரியம் தெரிவித்துள்ளது. மேலும் இவற்றில் பெரும்பாலானவை ஹிமாச்சல பிரதேசம், ஹரியானா, மத்திய பிரதேசம் உள்ளிட்ட மாநிலங்களில் இருந்து தயார் செய்யப்பட்டது . நாட்டில் விற்பனை செய்யப்படும் அனைத்து வகை மருந்து மாத்திரைகளும், மத்திய மாநில தர கட்டுப்பாட்டு வாரியங்கள் மூலம் ஆய்வு செய்யப்பட்டு, இதில் போலி மருந்துகளும் கண்டறியப்பட்டு அந்த நிறுவனத்தின் மீது உரிய நடவடிக்கை எடுக்கப்படுகிறது.
கடந்த மாதத்தில் மட்டும் 1,233 மருந்துகள் ஆய்வுக்கு உட்படுத்தப்பட்டது. அவற்றில் காய்ச்சல், இதய பாதிப்பு, வயிற்றுப்போக்கு, ஜீரண மண்டல பாதிப்பு போன்றவற்றிக்கு பயன்படுத்தப்படும் 41 மருந்துகள் தரம் மற்றதாக இருந்தது என்று கண்டறியப்பட்டது. இதையடுத்து அதன் விவரங்களை மத்திய மருந்து தரக் கட்டுப்பாட்டு வாரியம் இணையதளத்தில் வெளியிட்டுள்ளது. இந்த விவகாரத்தில் சம்பந்தப்பட்ட நிறுவனங்கள் மீது உரிய நடவடிக்கை எடுக்கப்படும் என்றும் மருத்துவ கட்டுப்பாட்டு வாரியம் தெரிவித்துள்ளது.