தனுஷ்கோடியில் இலங்கை படகு மர்மமான முறையில் நிறுத்தி வைக்கப்பட்டது குறித்து கடலோர காவல்படை விமானம் அதிரடி ரோந்து பணியில் ஈடுபட்டுள்ளது.
ராமநாதபுரம் மாவட்டம் தனுஷ்கோடி அருகே உள்ள 3 வது மணல் திட்டு பகுதியில் இலங்கை புத்தளம் பகுதியை சேர்ந்த பிளாஸ்டிக் படகு ஒன்று மர்மமான முறையில் நிறுத்தி வைக்கபட்டிருந்துள்ளது. இதனையறிந்த சுங்கத்துறையினர் உடனடியாக அந்த படகை பறிமுதல் செய்து ராமேஸ்வரத்திற்கு கொண்டு வந்தார். இதுகுறித்து கலோர காவல்துறையினர் மற்றும் கியூ பிரிவு போலீசார் தீவிர விசாரணை நடத்தி வருகின்றனர்.
மேலும் படகில் வந்தவர்கள் குறித்தும், அவர்கள் தமிழகத்தில் இருந்து இலங்கைக்கு தப்பி சென்றார்களா அல்லது இலங்கையில் இருந்து தமிழகத்திற்குள் வந்தார்களா என்ற குழப்பமான சூழல் நிலவி வருகிறது. எனவே இந்திய கடலோர காவல்படைக்கு சொந்தமான அதிவேக விமானம் சென்னையில் இருந்து வரவழைக்கப்பட்டு ராமேஸ்வரம், தனுஷ்கோடி, பாக்லசந்தி, மன்னார் வளைகுடா உள்ளிட்ட கடல் பகுதிகளில் தீவிர ரோந்து பணியில் ஈடுபட்டுள்ளது.