மர்மமான முறையில் பெண் இறந்து கிடந்த சம்பவம் குறித்து போலீசார் விசாரணை நடத்தி வருகின்றனர்.
கள்ளக்குறிச்சி மாவட்டத்தில் உள்ள பாலப்பட்டு-தெத்துகாடு மெயின் ரோட்டின் ஒரம் பெண் ஒருவர் இறந்து கிடப்பதை பார்த்து அதிர்ச்சியடைந்த பொதுமக்கள் போலீசருக்கு தகவல் தெரிவித்தனர். அந்த தகவலின் படி சம்பவ இடத்திற்கு விரைந்து சென்ற போலீசார் அந்த பெண்ணின் உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்தனர். அவர் யார்? எந்த ஊரை சேர்ந்தவர்? என்பது தெரியவில்லை.
அந்த பெண் மனநலம் பாதிக்கப்பட்டவர் என கூறப்படுகிறது. இதுகுறித்து வழக்கு பதிந்த போலீசார் உடல் நலம் பாதிக்கப்பட்டு பெண் உயிரிழந்தாரா? அல்லது வாகனம் மோதி இறந்தாரா? என்பது குறித்து பல்வேறு கோணங்களில் விசாரணை மேற்கொண்டு வருகின்றனர்.