வீட்டின் பூட்டை உடைத்து மர்ம நபர்கள் நகையை திருடிச் சென்றுள்ளனர்.
புதுக்கோட்டை மாவட்டத்திலுள்ள கந்தர்வகோட்டை பகுதியில் ராஜேந்திரன் என்பவர் வசித்துவருகின்றார். இந்நிலையில் இவர் வீட்டை பூட்டி விட்டு வேலைக்கு சென்றுள்ளார். அதன் பின் வீடு திரும்பிய ராஜேந்திரன் வீட்டின் கதவு உடைக்கப்பட்டு இருப்பதை பார்த்து அதிர்ச்சி அடைந்துள்ளார். இதனையடுத்து உள்ளே சென்று பார்த்த போது மர்ம நபர்கள் பீரோவில் இருந்த 12 பவுன் தங்க நகையை திருடிச் சென்றதை அறிந்துள்ளார்.
இதுகுறித்து ராஜேந்திரன் கந்தர்வ கோட்டை காவல்நிலையத்தில் புகார் அளித்துள்ளார். அந்த புகாரின் பேரில் வழக்கு பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.