மறு தேர்தல் நடத்த வலியுறுத்தி அ.தி.மு.க-வினர் போராட்டத்தில் ஈடுபட்ட சம்பவம் பரபரப்பை ஏற்படுத்தியுள்ளது.
செங்கல்பட்டு மாவட்டத்தில் உள்ள மதுராந்தகத்தில் நகர்ப்புற உள்ளாட்சி தேர்தல் நடைபெற்றுள்ளது. இங்கு 24 வார்டுகளில் நடைபெற்ற தேர்தலில் திமுக 21 வார்டுகளிலும், அதிமுக 24 வார்டுகளிலும், கூட்டணி கட்சியினர் 3 வார்டுகளிலும் போட்டியிட்டனர். இதில் அ.தி.மு.க நகர மன்ற தலைவர் வேட்பாளராக 2-வது வார்டில் மோகனா சரவணன் போட்டுள்ளார். இந்நிலையில் மதுராந்தகம்-சூனாம்பேடு சாலையில் மோகனா சரவணன் தலைமையில் அதிமுக வேட்பாளர்கள் திடீரென சாலை மறியலில் ஈடுபட்டுள்ளனர்.
அப்போது நேற்று வாக்கு எண்ணும் மையத்தில் வாக்குப்பதிவு எந்திரத்தில் முத்திரை இல்லை என்பதால் வாக்குப்பதிவு எந்திரத்தில் இருக்கும் அனைத்து வாக்குகளும் தி.மு.க-விற்கு விழுந்துள்ளதாகவும், தி.மு.க-வினர் வாக்கு எண்ணும் மையத்திற்குள் புகுந்து எந்திரங்களில் மாற்றி உள்ளதாகவும் போராட்டத்தில் ஈடுபட்டவர்கள் தெரிவித்துள்ளனர்.
இது குறித்து தகவல் அறிந்த போலீஸ் சூப்பிரண்டு சம்பவ இடத்திற்கு விரைந்து சென்று அ.திமு.க-வினருடன் பேச்சுவார்த்தை நடத்தியுள்ளார். அப்போது மறு தேர்தல் நடத்த வேண்டும் என அ.தி.மு.க வேட்பாளர்கள் தெரிவித்துள்ளனர். அதற்கு முறையாக மனு கொடுத்து மறு தேர்தல் நடத்துமாறு அதிகாரிகளிடம் கூறுங்கள் என போலீஸ் சூப்பிரண்டு தெரிவித்த பிறகு அவர்கள் அங்கிருந்து கலைந்து சென்றுள்ளனர்.