பண்டிகை காலத்தை ஒட்டி நெல்லை பூ சந்தையில் பூக்களின் விலை கடுமையாக உயர்ந்து இருப்பதாக வியாபாரிகள் தெரிவித்துள்ளனர்.
மார்கழி மாதம் உற்சவம் மற்றும் கிறிஸ்மஸ் பண்டிகை காரணமாக நெல்லை சந்திப்பில் உள்ள மொத்த விற்பனை சந்தையில் பூக்களின் விலை கடுமையாக உயர்ந்துள்ளது. ஒரு கிலோ மல்லிகை பூ விலை 2,000 ரூபாயும், ஒரு கிலோ பிச்சி பூவின் விலை 800 ரூபாய்க்கும் விற்பனை செய்யப்பட்டு வருகிறது. பூக்களின் விலை உயர்வால் பொதுமக்கள் பாதிக்கப்பட்டுள்ளனர். மழை அதிகமாக பெய்து பூந்தோட்டங்கள் பாதிப்படைந்து இருப்பதால் பூக்களின் உற்பத்தி குறைந்து அதன் விலை மிகக் கடுமையாக உயர்ந்துள்ளதாக வியாபாரிகள் தெரிவித்தனர்.