மழைக்காலத்தில் வீட்டில் அதுவும் குறிப்பாக சமையலறை பகுதிகளில் ஈரப்பதம் அதிகமாக இருக்கும். அப்படி மழைக்காலங்களில் சமையலறையை ஈரப்பதம் இல்லாமல் வைத்திருக்க நீங்கள் என்ன செய்ய வேண்டும் என்பதை இந்த பதிவில் பார்க்கலாம். மழைக்காலம் தொடங்குவதற்கு முன்னரே சமையல் அறைகளை அதற்கு ஏற்றவாறு மாற்றியமைத்துக் கொள்ள வேண்டும். அப்படி செய்தால் தேவையற்ற பூச்சிகள் வீட்டினுள் வருவதை தடுக்க முடியும். குறிப்பாக பூஞ்சை பரவல் இல்லாமல் தடுக்கலாம். சமையலறையை எப்போதும் சுத்தமாகவும் ஈரப்பதம் இல்லாமலும் வைத்திருக்க வேண்டும்.
தரமான மின்கம்பி இணைப்புகள்:
மழைக்காலங்களில் வீட்டின் சமையலறையில் பாதுகாக்க நன்கு பாதுகாக்கப்பட்ட மின் வயரிங் முற்றிலும் அவசியம். சில பாதுகாப்பு காரணங்களுக்காக நல்ல தரமான மின்கம்பி இணைப்புகளை அமைப்பது மிகவும் முக்கியம். மழைக்காலங்களில் சமையல் அறை சுவர்களில் ஈரப்பதம் ஏற்படும் மற்றும் இது ஷார்ட் செக்யூரிட்டிகளுக்கு கூட வழி வகுக்கும்.அதனால் மழைக் காலத்திற்கு முன்பே ஒரு எலக்ட்ரீசியன் மூலம் உங்கள் வீட்டின் மின் கம்பி இணைப்புகளை அவசியம் சரிபார்த்துக் கொள்ள வேண்டும்.
மேற்பரப்புகளை சுத்தமாக, உலர்வாக வைத்திருத்தல்:
உங்களது சமையலறையை மழைக்காலத்தில் சுத்தமாகவும் உலர்வாகவும் வைத்திருந்தால் பூச்சிகளின் தொந்தரவு இல்லாமல் இருக்கலாம். மழைக்காலங்களில் ஈரமான தரையையும் மேற்பரப்பையும் ஏற்படுத்தக்கூடும். இதனால் பூச்சிகள் வீட்டில் எளிதில் நுழைந்து விடும். எனவே எல்லா நேரங்களிலும் சமையலறையை உலற வைக்க மின்விசிறி இருப்பதை உறுதிப்படுத்துங்கள். சுத்தமாக வைத்திருக்க கிருமி நாசினிகளை பயன்படுத்தலாம்.
காற்றோட்டம்:
வீட்டின் சமையலறையில் நல்ல காற்றோட்டம் என்பது மிகவும் அவசியம். இது தரையை உணர வைக்க உதவும். மழைக்காலங்களில் மாடிகள் மற்றும் சுவர்களில் ஒரு மாதிரியான வாசனை ஏற்படும். அந்த துர்நாற்றத்தை சமாளிக்கிற வீட்டை காற்றோட்டமாக வைத்திருக்க வேண்டும்.
வீடு அல்லது சமையலறையை புதுப்பித்தல்:
மழைக்காலங்களில் போது வீடு அல்லது சமையலறையை புதுப்பிப்பது என்பது சிறந்ததாக இருக்காது. ஏனென்றால் மழைக் காலங்களில் சுவர்கள் ஏற்கனவே ஈரமாக இருக்கும். இந்த நிலையில் புதுப்பிக்க நினைப்பது ஈரப்பதத்தை இன்னும் அதிகரிக்கும். அதனால் சுவர்களுக்கு மேலும் சேதம் ஏற்படும். எனவே மழைக்காலங்களில் புதுப்பிக்கும் எண்ணத்தை கைவிட வேண்டும்.
கசிவுகளை சரிபார்த்தல்:
உங்கள் சமையல் அறையில் ஏதேனும் கசிவு ஏற்படுவது போல உங்களுக்கு தோன்றினால் அதனை மழைக் காலங்களுக்கு முன்பே ஒரு பிளம்பர் வைத்து சரி செய்துவிடுங்கள். மழைக்காலத்தில் சிறிய கசிவு ஏற்பட்டாலும் அது பெரிய சிக்கலை உண்டாக்கும். அதனால் முன்கூட்டியே தகுந்த நடவடிக்கையை மேற்கொண்டால் கடைசி நிமிடத்தில் ஏற்படும் தொந்தரவுகளை எதிர்கொள்ள வேண்டிய அவசியம் உங்களுக்கு இருக்காது.