சென்னை கோட்டூர்புரத்தில் மழை வெள்ளத்தால் பாதிக்கப்பட்ட பகுதிகளை பார்வையிட்ட அதிமுக ஒருங்கிணைப்பாளர் ஓ. பன்னீர்செல்வம் நிவாரண உதவிகளை வழங்கினார்.
கோட்டூர்புரத்தில் வீடு வீடாக சென்று மழை பாதிப்புகள் பற்றி பன்னீர்செல்வம் ஆய்வு செய்தார். அப்போது பொதுமக்களிடம் குறைகளை கேட்டறிந்த அவர், மக்கள் அளித்த மனுக்களை பெற்றுக்கொண்டார். பிறகு மழையால் பாதிக்கப்பட்ட மக்களுக்கு உணவு மற்றும் நிவாரண பொருட்கள் வழங்கினார்.
அதேபோல தாம்பரத்தை அடுத்த கணபதி புறத்தில் அதிமுக இணை ஒருங்கிணைப்பாளர் எடப்பாடி பழனிச்சாமி மழை பாதிப்புகளை பார்வையிட்டார். அதிமுக முன்னாள் அமைச்சர்கள், தொண்டர்கள் உட்பட 50க்கும் மேற்பட்டவர்கள் பழனிசாமியுடன் இணைந்து பார்வையிட்டனர். அப்போது மழையால் பாதிக்கப்பட்ட மக்களுக்கு உணவு மற்றும் நிவாரண பொருட்களை பழனிசாமி வழங்கினார்.