தேசிய வாக்காளர் தினத்தை முன்னிட்டு மாணவர்களுக்காக பல்வேறு போட்டிகள் நடைபெற உள்ளதாக மாவட்ட ஆட்சியர் அறிவித்துள்ளார்.
தேசிய வாக்காளர் தினம் வருகிற 25-ஆம் தேதி கொண்டாடப்படுகிறது. கிருஷ்ணகிரி மாவட்ட ஆட்சியர் ஜெயசந்திரபானு ரெட்டி வெளியிட்டுள்ள செய்திக்குறிப்பில், பள்ளி மற்றும் கல்லூரி மாணவ,மாணவிகளுக்கு தனித்தனியாக பல்வேறு போட்டிகள் நடத்தப்பட உள்ளது. இதற்காக ஓவியம், வாக்கியங்கள் அமைத்தல், பாட்டுப்போட்டி, சுவரொட்டி செய்தல், கட்டுரை எழுதுதல் போன்ற போட்டிகள் அறிவிக்கப்பட்டுள்ளது.
இந்நிலையில் ஒவ்வொரு பிரிவிலும் மாவட்ட அளவில் சிறப்பான 15 படைப்புகள் தேர்வு செய்யப்படும். அவை மேலாய்விற்காக தலைமை தேர்தல் அலுவலருக்கு அனுப்பி வைக்கப்படும். இந்த போட்டிகளுக்கு வருகிற 26-ஆம் தேதி நேரடியாகவும், வருகிற 31-ஆம் தேதி ஆன்லைன் மூலமாகவும் விண்ணப்பிக்கலாம். எனவே பள்ளி, கல்லூரி மாணவ, மாணவிகள் போட்டியில் பங்கு பெறுமாறு கேட்டுக்கொள்கிறேன் என ஆட்சியர் தெரிவித்துள்ளார் .