தமிழகம் முழுவதும் நாளை ஒன்று முதல் பத்தாம் வகுப்பு மாணவர்களுக்கு பள்ளிகள் திறக்கப்பட உள்ளது. இந்நிலையில் செய்தியாளர்களை சந்தித்து பேசிய பள்ளிக் கல்வித்துறை அமைச்சர் அன்பில் மகேஷ், அதிக கட்டணம் வசூலிப்பது போன்ற செயல்களில் தனியார் பள்ளிகள் ஈடுபடக்கூடாது. முகக்கவசம் அணிந்து வருவது குறித்து அறிவிப்பு வந்தால் மாணவர்களுக்கு தெரிவிக்கப்படும்.
மன ரீதியாக, உளவியல் ரீதியாக அதிகளவில் மாணவர்கள் பாதிக்கப்பட்டுள்ளதால் அவர்களுக்கான ஆலோசனைகள் வழங்கப்படும். பள்ளி சீருடையை மாற்ற எந்த முடிவும் இல்லை. நாளை முதல் அமைச்சர்களுடன் இணைந்து பள்ளிகளில் ஆய்வு மேற்கொள்ளப்படும் என்று தெரிவித்துள்ளார்.