தமிழகத்தில் கொரோனா பரவலை கட்டுப்படுத்த முழு ஊரடங்கு அமலில் உள்ளது. அதனால் பள்ளி மற்றும் கல்லூரிகள் அனைத்தும் மூடப்பட்டுள்ளன. அதன் காரணமாக அனைத்து வகுப்பு மாணவர்களும் தேர்ச்சி என அறிவிக்கப்பட்டது. பிளஸ் 2 மாணவர்களுக்கு பொதுத்தேர்வு ரத்து செய்யப்பட்டுள்ளது. அவர்களுக்கு மதிப்பெண் கணக்கீட்டு முறை விரைவில் வெளியிடப்படும் என்று முதல்வர் ஸ்டாலின் அறிவித்தார்.
பொதுத்தேர்வு ரத்து செய்யப்பட்ட பிளஸ் டூ மாணவர்களுக்கான மதிப்பெண் கணக்கீடு தொடர்பான விவரங்களை தமிழக அரசு வெளியீட்டுள்ளது. அதன்படி 10ஆம் வகுப்பு மதிப்பெண் விலை 50 சதவீதம்,11 ஆம் வகுப்பு மதிப்பெண்ணில் 20 சதவீதம், 12ஆம் வகுப்பு செய்முறைத் தேர்வில் 30% மதிப்பெண்களின் சராசரி கொண்டு கணக்கிடப்படும் என்று முதல்வர் ஸ்டாலின் அறிவித்தார். மேலும் கொரோனா 9 உள்ளிட்ட காரணங்களால் செய்முறை தேர்வில் பங்கேற்று மாணவர்களுக்கு பிளஸ் 1 செய்முறை தேர்வு மதிப்பெண் எடுத்துக்கொள்ளப்படும் என்று அறிவிக்கப்பட்டுள்ளது.
இந்நிலையில் தமிழகத்தில் இன்று காலை 11 மணிக்கு பிளஸ் டூ தேர்வு முடிவுகளை அமைச்சர் அன்பில் மகேஷ் வெளியிட உள்ளார். தேர்வு முடிவுகளை மாணவர்கள் tnresults.nic.in, dge.tn.gov.in , dge1.tn.nic.in, dge2.tn.nic.in ஆகிய இணையதளங்களில் பதிவு எண் மற்றும் பிறந்த தேதியை பதிவு செய்து அறிந்து கொள்ளலாம். மேலும் மாணவர்கள் பள்ளிகளில் குறிப்பிட்டுள்ள மொபைல் எண்ணுக்கு தேர்வு முடிவுகள் குறுஞ்செய்தி அனுப்பப்படும்.