தமிழகம் முழுவதும் கொரோனா அச்சுறுத்தல் காரணமாக மாணவர்கள் நலனை கருத்தில் கொண்டு அனைத்து மாணவர்களுக்கும் பொதுத் தேர்வுகள் நடத்த படாமலேயே ஆல்பாஸ் அறிவிப்பை அரசு வெளியிட்டது. இந்நிலையில் அடுத்த கல்வி ஆண்டு தொடங்கிவிட்டது. இந்நிலையில் 10 ஆம் வகுப்பு முடித்த மாணவர்கள் பாலிடெக்னிக் பயில விண்ணப்பித்து வருகின்றனர்.
அந்தவகையில் அரசு, அரசு உதவி பெறும் ITI மற்றும் தனியார் ITI-ல் உள்ள அரசு ஒதுக்கீட்டு இடங்களில் சேர 8 மற்றும் 10-ஆம் வகுப்பு தேர்ச்சி பெற்ற மாணவர்கள் ஆன்லைன் விண்ணப்ப பதிவு கடந்த மாதம் தொடங்கி இன்றுடன் முடிவடைய இருந்தது. இந்நிலையில் மாணவர்களின் நலன் கருதியும் கூடுதல் மாணவர்களைச் சேர்க்கும் வகையிலும் விண்ணப்ப பதிவு நாளை வரை நீட்டிக்கப்பட்டுள்ளது. மேலும் மாணவர்கள் tngptc.in என்ற இணையதளம் மூலமாக பதிவு செய்யலாம் என்று அறிவிக்கப்பட்டுள்ளது.