திண்டுக்கல் மாநகராட்சியில் ஆக்கிரமிப்புகளை அகற்றும் பணி நடந்துள்ளது.
திண்டுக்கல் மாநகராட்சியில் ஆக்கிரமிப்பால் சாலைகள் குறுகிய அதோடு மட்டுமல்லாமல் சாக்கடை கால்வாய்களையும் ஆக்கிரமித்து கடைகள் வைத்ததால் மழைக்காலங்களில் தண்ணீர் கால்வாயில் போகாமல் சாலையில் ஓடுகின்றது. இதனால் சாலைகள் சேதமடைகிறது. இதனால் ஆக்கிரமிப்புகளை அகற்ற மாநகராட்சி கமிஷனர் சிவசுப்பிரமணியன் உத்தரவு பிறப்பித்துள்ளார்.
இதன் விளைவாக திண்டுக்கல்லில் உள்ள பூ மார்க்கெட், பஸ் நிலையம் மற்றும் அதன் சுற்றுவட்டார பகுதிகளில் ஆக்கிரமிப்பு செய்துள்ளதை அகற்றும் பணியானது நடந்துள்ளது. இதற்காக நகர்புற அலுவலர் சேதுராஜன் தலைமையிலான அதிகாரிகள் பொக்லைன் இயந்திரத்துடன் வந்து ஆக்கிரமிப்பு செய்துள்ள கூரைகள், சுவர்கள், கொட்டகைகளை அதன் மூலம் அகற்றினார்கள். சில கடைக்காரர்கள் அவர்களாகவே முன்வந்து ஆக்கிரமிப்புகளை அகற்றினார்கள். ஆனால் சிலரோ அதிகாரிகளிடம் எதிர்ப்பு தெரிவித்த போதிலும் ஆக்கிரமிப்புகள் அகற்றப்பட்டது. இதேபோல் நகராட்சி முழுவதும் ஆக்கிரமிப்புகள் அகற்றப்பட உள்ளதாக அதிகாரிகள் கூறினார்கள்.