சிம்புவின் மாநாடு படம் வெளியாகும் தினத்தில் விக்ரமின் சியான் 60 படமும் ரிலீஸாக இருப்பதாக தகவல் வெளியாகியுள்ளது.
தமிழ் திரையுலகில் நட்சத்திர நாயகனாக வலம் வரும் சிம்பு நடிப்பில் இயக்குனர் வெங்கட்பிரபு இயக்கத்தில் மாநாடு திரைப்படம் உருவாகி வருகிறது . தற்போது இந்த படத்தின் படப்பிடிப்புகள் நிறைவடைந்து போஸ்ட் புரொடக்ஷன் பணிகள் விறுவிறுப்பாக நடைபெற்று வருகிறது. மேலும் இந்த படம் வருகிற அக்டோபர் மாதம் ஆயுத பூஜை தினத்தில் ரிலீஸாக இருப்பதாக தகவல் வெளியாகியுள்ளது. இந்நிலையில் ஆயுத பூஜை தினத்தில் விக்ரம் நடிப்பில் உருவாகிவரும் சியான் 60 படமும் ரிலீஸாக இருப்பதாக தகவல் வெளியாகியுள்ளது.
இயக்குனர் கார்த்திக் சுப்பராஜ் இயக்கத்தில் விக்ரம் மற்றும் அவரது மகனும் நடிகருமான துருவ் விக்ரம் இருவரும் இணைந்து நடித்து வரும் திரைப்படம் சியான் 60. தற்போது இந்த படத்தின் 50 சதவீத படப்பிடிப்பு நிறைவடைந்துள்ளது. மேலும் வருகிற ஜூலை மாதம் முதல் வாரம் இந்த படத்தின் அடுத்தகட்ட படப்பிடிப்பு தொடங்கப்பட இருப்பதாகவும், ஒரே மாதத்தில் படப்பிடிப்பை நிறைவு செய்ய படக்குழு திட்டமிட்டுள்ளதாகவும் கூறப்படுகிறது. இதனால் மாநாடு, சியான் 60 படங்கள் ஒரே நேரத்தில் ரிலீஸாகும் என எதிர்பார்க்கப்படுகிறது.