உலக நாடுகளில் கடந்த 2020 ஆம் ஆண்டு முதல் கொரோனா மக்களை ஆட்டிப்படைத்தது. இந்த வருடம் ஓரளவு கொரோனா பாதிப்பு குறைந்த நிலையில் மக்கள் அனைவரும் இயல்பு வாழ்க்கைக்கு திரும்பியுள்ளனர். ஆனால் கடந்த சில நாட்களாகவே சீனா மற்றும் ஜப்பான் உள்ளிட்ட பல உலக நாடுகளில் புதிய வகை பி.எப் 7 கொரோனா வைரஸ் அதிவேகமாக பரவி வருவதால் அனைத்து மாநிலங்களிலும் முன்னெச்சரிக்கை நடவடிக்கையை மேற்கொள்ளுமாறு மத்திய அரசு அறிவுறுத்தியுள்ளது. அதே சமயம் விமான நிலையங்களில் கட்டுப்பாடு மற்றும் முக கவசம் என பல கட்டுப்பாடுகளை மத்திய அரசு அமல்படுத்தியுள்ளது.
இந்நிலையில் உத்தரகாண்ட் மாநிலத்தில் அடைத்து அரசு மற்றும் தனியார் பள்ளிகளில் மாணவர்கள் கட்டாய முக கவசம் அணிய வேண்டும் என்று அம்மாநில கல்வித்துறை உத்தரவிட்டுள்ளது. கொரோனா வைரஸ் வேகம் எடுத்து உள்ளதால் பள்ளிகளுக்கு வரும் ஆசிரியர்கள் மற்றும் பணியாளர்களும் முக கவசம் அணிந்து வரவேண்டும் என அறிவுறுத்தப்பட்டுள்ளது. மேலும் மாநிலம் முழுவதும் கொரோனா தடுப்பு நடவடிக்கையை அரசு தீவிரப்படுத்தி உள்ளது குறிப்பிடத்தக்கது.