நாடு முழுவதும் கடந்த 2020-ஆம் ஆண்டு முதல் கொரோனா தொற்றின் முதல் மற்றும் 2-வது அலை பரவல் பெரும் பாதிப்பை ஏற்படுத்தியது. அதனால் கடந்த 2 வருடங்களாக ஊரடங்கு போடப்பட்டு, பல்வேறு கட்டுப்பாடுகள் விதிக்கப்பட்டன. மேலும் பள்ளி, கல்லூரிகள் மூடப்பட்டன. இதையடுத்து தொற்று படிப்படியாக குறைந்து இயல்புநிலைக்கு வந்தது. இதையடுத்து பள்ளி, கல்லூரிகள் திறக்கப்பட்டு நேரடி வகுப்புகள் நடைபெற்று வருகிறது.
இந்நிலையில் 3-ம் நிலை பாதிப்புகள் தொடங்கி இருப்பதாக நிபுணர்கள் எச்சரித்துள்ளனர். அதேபோன்று கொரோனா மற்றும் அதன் உருமாறிய தொற்றான ஒமைக்ரான் மிக வேகமாக பரவி வருகிறது. இதனால் மீண்டும் பல்வேறு மாநிலங்களில் பள்ளி கல்லூரிகள் மூடப்பட்டு உள்ளது. இதையடுத்து புதுச்சேரியில் 1 முதல் 9- ஆம்வகுப்பு வரை உள்ள மாணவர்களுக்கு பள்ளிகள் நாளை முதல் மூடப்படுவதாக பள்ளிக்கல்வித்துறை அமைச்சர் நமச்சிவாயம் கூறியுள்ளார். மறு அறிவிப்பு வரும் வரை அனைத்து தனியார் மற்றும் அரசு பள்ளிகளுக்கும் விடுமுறை அறிவிக்கப்பட்டுள்ளது. ஆன்லைன் வகுப்புகள் தொடரும் எனவும் அறிவிப்பு தகவல் வெளியாகியுள்ளது.