அரசு பள்ளி மாணவர் தங்கப்பதக்கம் வென்று சாதனை படைத்துள்ளார்.
புதுக்கோட்டை மாவட்டத்தில் உள்ள சித்தன்னவாசல் பகுதியில் கூலித்தொழிலாளியான சின்னையா என்பவர் வசித்து வருகிறார். இவருக்கு ரட்சகன்(15) என்ற மகன் உள்ளார். இவர் அன்னவாசல் அரசு மேல்நிலைப் பள்ளியில் பத்தாம் வகுப்பு படித்து வருகிறார். இந்நிலையில் கொல்கத்தாவில் நடைபெற்ற தேசிய அளவிலான குத்துச்சண்டை போட்டியில் ரட்சகன் கலந்து கொண்டார்.
பின்னர் 45 கிலோ எடைப்பிரிவில் கலந்து கொண்டு ரட்சகன் வெண்கல பதக்கம் வென்றுள்ளார். இதனை தொடர்ந்து மாநில அளவில் கோவாவில் நடைபெற்ற 45 கிலோ எடை பிரிவில் ரட்சகன் தங்கம் என்று சாதனை படைத்துள்ளார். இதன் மூலம் வருகிற அக்டோபர் மாதம் நடைபெறும் சர்வதேச போட்டியில் கலந்து கொள்ள ரட்சகன் தகுதி பெற்றுள்ளார்.