கரூரில் நடைபெற்ற மாவட்ட அளவிலான கேரம் போட்டியில் ஏராளமான பள்ளி மாணவர்கள் கலந்து கொண்டனர். இந்நிலையில் குரும்பப்பட்டி அரசு உயர்நிலைப்பள்ளி மாணவ, மாணவிகள் போட்டிகளில் கலந்துகொண்டு தங்களது திறமைகளை வெளிப்படுத்தியுள்ளனர். இதில் 14 வயதிற்கு உட்பட்ட மாணவிகள் இரட்டையர் பிரிவில் குரும்பப்பட்டி அரசு உயர்நிலைபள்ளியில் 9-ஆம் வகுப்பு படிக்கும் ச.மகாலட்சுமி, 8- ஆம் வகுப்பு படிக்கும் ம.ஹர்ஷினிபிரியா ஆகியோர் கலந்துகொண்டு முதலிடம் பிடித்தனர்.
இந்த மாணவர்கள் மாநில அளவில் நடைபெறும் போட்டியில் கலந்து கொள்ள தகுதி பெற்றனர். இவர்களை பள்ளியின் தலைமை ஆசிரியர் கண்ணன், உதவி தலைமை ஆசிரியர் ரமேஷ், உடற்கல்வி ஆசிரியர்கள் உட்பட பலர் பாராட்டியுள்ளனர்.