தமிழ்நாடு அமைச்சூர் மல்யுத்த சங்கம் சார்பில் கரூரில் மாநில அளவிலான சீனியர் ஆண்கள் மற்றும் பெண்களுக்கான மல்யுத்த போட்டி நடைபெற்றுள்ளது. இதில் ஏராளமான கல்லூரி மாணவ-மாணவிகள் கலந்து கொண்டனர். இந்நிலையில் கரூர் அரசு கலை கல்லூரி மாணவி சினேகா 65 கிலோ எடை பிரிவிலும், மகுடேஸ்வரி 50 கிலோமீட்டர் எடை பிரிவிலும் வெற்றி பெற்று வெள்ளி பதக்கங்களை வென்றனர்.
இதே போல் கிருத்திகா மற்றும் மனோஜ் 55 கிலோ எடை பிரிவில் கலந்துகொண்டு வெண்கல பதக்கங்களை வென்றனர். மாநில அளவிலான போட்டியில் வெற்றி பெற்ற மாணவ மாணவிகளை கல்லூரி முதல்வர் கௌசல்யா தேவி, உடற்கல்வி இயக்குனர் ராஜேந்திரன் ஆகியோர் பாராட்டியுள்ளனர்.