நாடு முழுவதும் கொரோனா காரணமாக கடந்த இரண்டு வருடங்களாக பள்ளி மற்றும் கல்லூரிகள் மூடப்பட்டிருந்தன. அதனால் மாணவர்களுக்கு ஆன்லைன் வகுப்புகள் நடத்தப்பட்டது. நேரடி கற்பித்தல் நிறுத்தப்பட்டதால் 1-8 ஆம் வகுப்பு வரையிலான 8,850மாணவர்கள் பள்ளிகளை விட்டு வெளியேறி உள்ளதாக கல்வித்துறை நடத்திய ஆய்வில் தெரியவந்துள்ளது.
அவ்வாறு பள்ளிகளை விட்டு வெளியேறிய 6-14வயதுக்குட்பட்ட அனைத்து மாணவர்களையும் அந்தந்த வகுப்புகளுக்கு அழைத்துச் செல்ல திரிபுரா அரசு முடிவு செய்துள்ளதாக மாநில அரசு அதிகாரி ஒருவர் தெரிவித்துள்ளார். மாநில முழுவதும் உள்ள 4,300பள்ளிகளில் இடைநிறுத்தப்பட்ட மாணவர்கள் அனைவரையும் மீண்டும் அழைத்து வருவதற்கான விரிவான கணக்கெடுப்பை மேற்கொள்ள பள்ளி கல்வித்துறை அறிவுறுத்தியுள்ளது.
ஒரு தன்னார்வலர் பள்ளிக்கு நிறுத்தப்பட்ட மாணவரை மீண்டும் அழைத்து வந்தால் அவருக்கு 500 ரூபாய் வழங்கப்படும். இதற்காக பத்தாயிரம் தன்னார்வலர்களை ஈடுபடுத்த துறை திட்டமிட்டுள்ளது. அரசு மற்றும் அரசு உதவி பெறும் பள்ளிகளில் நர்சரி முதல் இரண்டாம் வகுப்பு வரை படிக்கும் மாணவர்களுக்கு பள்ளி பைகள் வழங்கும் திட்டத்தை செயல்படுத்த உள்ளோம்.
தன்னார்வலர்கள் இடைநீற்றல் மாணவர்களின் எண்ணிக்கையை துல்லியமாக கண்டறிந்து அவர்களின் பாதுகாவலர்களிடம் சமாதானம் செய்து மீண்டும் பள்ளிக்கு அழைத்து வருவார்கள். ஜூலை மாதத்திற்கு பிறகு வகுப்புகள் தொடங்கும். மேலும் பெண் மாணவர்களை ஊக்குவிக்கும் விதமாக ஒன்பதாம் வகுப்பு பதவி உயர்வு பெற்றவுடன் ஒவ்வொரு மாணவிக்கும் சைக்கிள் வழங்கப்படுகின்றது.