மார்க்சிஸ்ட் கம்யூனிஸ்ட் கட்சியினர் நடத்திய ஆர்ப்பாட்டத்தில் பல்வேறு கோரிக்கைகள் வலியுறுத்தப்பட்டுள்ளது.
மயிலாடுதுறை மாவட்டத்திலுள்ள சீர்காழியில் மார்க்சிஸ்ட் கம்யூனிஸ்ட் கட்சியினர் சார்பில் ஆர்ப்பாட்டம் நடைபெற்றுள்ளது. இந்த ஆர்ப்பாட்டம் விவசாயம் மற்றும் குடிநீரை பாதிக்கும் வகையில் தனியாருக்கு சொந்தமான இடத்தில் மண் எடுப்பதை கண்டித்து நடைபெற்றுள்ளது. இதற்கு ஒன்றிய செயலாளர் தலைமை தாங்கியுள்ளார். மேலும் விவசாய தொழிலாளர் சங்க ஒன்றிய தலைவர், மார்க்சிஸ்ட் கம்யூனிஸ்ட் கிளை செயலாளர் மற்றும் மாவட்ட செயற்குழு உறுப்பினர்கள் ஆகியோர் முன்னிலை வகித்தனர்.
இதனையடுத்து நகர செயலாளர் வரவேற்புரையாற்றியுள்ளார். இந்த ஆர்ப்பாட்டத்தில் மாவட்ட செயலாளர், மாவட்ட செயற்குழு உறுப்பினர்கள் மற்றும் கொள்ளிடம் ஒன்றிய செயலாளர் ஆகியோர் கோரிக்கையை வலியுறுத்தி பேசியுள்ளனர். இதில் கட்சி நிர்வாகிகள் உட்பட பலர் கலந்து கொண்டனர்.