தமிழக முதல்வராக ஸ்டாலின் பொறுப்பேற்றதையடுத்து பல அதிரடி அறிவிப்புகளை அறிவித்து வருகிறார். அந்த வகையில் பெண்கள் பேருந்தில் இலவசமாக பயணிக்கலாம் என்று அறிவித்தார். இதற்கு பெண்களிடமிருந்து நல்ல வரவேற்பு கிடைத்தது. இதனைத்தொடர்ந்து மாற்றுத்திறனாளிகள் தங்களுக்கும் கட்டணமில்லா பயணம் என்ற அறிவிப்பு வெளியிட வேண்டும் என்று கோரிக்கை விடுத்து வந்தனர்.
இதன் அடிப்படையில் ஜூன் 3ஆம் தேதி முதல் கட்டணம் இல்லாமல் பயணிக்கலாம் என்று தமிழக முதல்வர் அறிவிப்பை வெளியிட்டு இருந்தார். இதற்கான அரசாணை நேற்று வெளியிடப்பட்டது. இதில் 40% க்கும் மேல் உள்ள மாற்றுத்திறனாளிகள் கட்டணம் இல்லாமல் பேருந்துகளில் இலவசமாக பயணிக்கலாம் என்றும், அவருடன் ஒரு உதவியாளரும் பயணிக்கலாம் என்று அறிவிப்பு வெளியாகியுள்ளது.