மாவட்ட அளவிலான கபடி போட்டியில் அரசு உயர்நிலை பள்ளி மாணவிகள் முதலிடம் பிடித்து சாதனை படைத்துள்ளார்கள்.
திருவாரூர் மாவட்டத்தில் உள்ள மன்னார்குடி தரணி மெட்ரிக் மேல்நிலைப்பள்ளியில் மாவட்ட அளவிலான கபடி போட்டி நடைபெற்றது. இதில் கட்டக்குடி அரசு உயர்நிலைப்பள்ளி மாணவிகள் 14 வயதுக்குட்பட்டோர் பிரிவில் முதலிடமும் 17 வயதுக்குட்பட்டோர் பிரிவில் இரண்டாம் இடமும் பெற்று பலரின் பாராட்டுகளை பெற்று வருகின்றார்கள்.
இந்த போட்டியில் வெற்றி பெற்ற மாணவிகளுக்கு பயிற்சி அளித்த உடற்கல்வி ஆசிரியர் உதயகுமார், தலைமை ஆசிரியர் மலர்க்கொடி, மாணவிகளை அழைத்துச் சென்ற காந்தி ராஜு, அருள் ஆரோக்கிய பேட்ரிக் மற்றும் ஆசிரியர்களை மாவட்ட கல்வி அலுவலர், ஊராட்சி தலைவர் என பலரும் பாராட்டுகளை தெரிவித்தார்கள்.