சிவகங்கையில் தொழிற்சாலையில் பணிபுரியும் தொழிலாளர்களுக்கு கொரோனா தடுப்பூசி திருவிழா நடைபெற்றது.
தமிழ்நாடு அரசு பொது சுகாதாரம் மற்றும் நோய் தடுப்பு மருந்து துறை சார்பில் சிவகங்கை மாவட்ட ஆட்சியரின் உத்தரவின் பேரில் கோவிலூரில் உள்ள டி.சி.பி. தொழிற்சாலையில் பணிபுரியும் தொழிலாளர்களுக்கு தடுப்பூசி திருவிழா என்னும் கொரோனா தடுப்பூசி போடும் நிகழ்ச்சி நடைபெற்றது.
இந்த திருவிழா தொழிற்சாலை பொது மேலாளர் கணேஷ் மற்றும் சுகாதாரத்துறை துணை இயக்குனர் யசோதாமணி ஆகியோரின் மேற்பார்வையில் நடைபெற்றது. இந்த நிகழ்ச்சியில் மாவட்ட பூச்சியியல் வல்லுநர் ரமேஷ், வட்டார மருத்துவ அலுவலர் ஆனந்தராஜ், வட்டார சுகாதார மேற்பார்வையாளர் முருகேசன் மற்றும் சுகாதாரத் துறையினர் பலரும் கலந்து கொண்டனர்.