டாக்டர், டான் திரைப்படங்களின் வெற்றியை அடுத்து மண்டேலா பட இயக்குனர் மடோன் அஸ்வின் இயக்கத்தில் சிவகார்த்திகேயன் கதாநாயகனாக நடிக்கும் படம் மாவீரன். இந்த படத்தில் அதிதிசங்கர், சரிதா, இயக்குனர் மிஷ்கின் மற்றும் யோகிபாபு போன்றோர் முக்கியமான கதாபாத்திரல் நடிக்கின்றனர். இதற்கான அறிவிப்பை படக் குழு முன்பே வெளியிட்டது. இப்படத்தில் நடிகை அதிதிசங்கர் செய்தி நிறுவனத்தில் பணியாற்றும் பத்திரிகையாளர் கதாபாத்திரத்தில் நடித்து வருவதாக கூறப்படுகிறது.
அத்துடன் இப்படத்தின் முதற் கட்டப் படப்பிடிப்பு ஆகஸ்ட் மாதத்தில் நிறைவடைந்துள்ள நிலையில், 2ஆம் கட்டப் படப்பிடிப்பு சென்னை சுற்று வட்டாரப் பகுதிகளில் நடைபெறுவதாக தகவல் வெளியாகியது. இந்நிலையில் முன்னணி ஓடிடி நிறுவனமான அமேசான் பிரைம் மாவீரன் திரைப்படத்தை 34 கோடிக்கு வாங்கி இருப்பதாக தகவல் வெளியாகியுள்ளது. சிவகார்த்திகேயன் திரைப்படங்களிலேயே அதிக ஓடிடி உரிமையத்துக்கு விற்றபடம் மாவீரன்தான்.