நேற்று (மார்ச்.26) கிரிக்கெட் ரசிகர்கள் ஆவலோடு எதிர்பார்த்த ஐபிஎல் தொடர் தொடங்கியது. நாடு முழுவதும் உள்ள பல்வேறு நகரங்களில் இந்த தொடர் நடக்கிறது. இந்த நிலையில் திருப்பூர் பனியன் நிறுவனங்கள் மூலம் ஐபிஎல் போட்டியில் பங்கேற்கும் வீரர்கள் அணியும் டீ-சர்டுகள் போலவே அதே மாடல்களில் டீ-சர்டுகள் பல்வேறு நகரங்களுக்கு அனுப்பப்பட்டு வருகிறது.
கடந்த ஒரு வாரத்திற்கு முன்பாகவே நாட்டின் பல்வேறு பகுதிகளில் இருந்து திருப்பூருக்கு ஆர்டர்கள் வர தொடங்கியுள்ளது. ஐபிஎல் டீ-சர்டுகளை ஆடை தயாரிப்பாளர்களும் உற்சாகமாக தயாரித்து வருகின்றனர். இந்த டீ-சர்ட் விற்பனையும் தற்போது மும்முரமாக நடந்து வருகிறது. இதனால் ஆடை தயாரிப்பார்கள் டீ-சர்ட் விற்பனை வரும் நாட்களில் அதிகரிக்கும் என்று நம்பிக்கை தெரிவித்துள்ளனர்.