மின்சாரம் தாக்கி மயில் இறந்த சம்பவம் பரிதாபத்தை ஏற்படுத்தியுள்ளது.
மயிலாடுதுறை மாவட்டத்தில் உள்ள நக்கம்பாடி காளியம்மன் கோவில் அருகே மயில் ஒன்று சுற்றித் திரிந்தது. இந்நிலையில் உயரமாக பறந்தபோது மயில் எதிர்பாராதவிதமாக மின்கம்பியில் மோதியது. இதனால் மின்சாரம் தாக்கி மயில் சம்பவ இடத்திலேயே பரிதாபமாக உயிரிழந்தது.
இதனை பார்த்து அதிர்ச்சியடைந்த பொதுமக்கள் வனத்துறையினருக்கு தகவல் தெரிவித்தனர். அதன்படி சம்பவ இடத்திற்கு விரைந்து சென்ற வனத்துறையினர் மயிலின் உடல் மீது தேசியக் கொடியை போர்த்தி எடுத்து சென்றுள்ளனர். இதனை அடுத்து கால்நடை மருத்துவர் மூலம் பிரேத பரிசோதனை செய்யப்பட்டு மயிலின் உடல் வனப்பகுதியில் புதைக்கப்பட்டது.