பராமரிப்பு பணி காரணமாக பணியாளர் சிறப்பு ரயில்கள் இன்று ரத்து செய்யப்படுகிறது என்று தெற்கு ரயில்வே அறிவித்துள்ளது. இதுகுறித்து தெற்கு ரயில்வே வெளியிட்ட அறிக்கையில், சென்னை கடற்கரை- தாம்பரம் இடையே காலை 11, 11.45 மணிக்கு இயக்கப்படும் ரயில்கள், தாம்பரம் – சென்னை கடற்கரை இடையே காலை 10.50 மணிக்கு இயக்கப்படும் பணியாளர் சிறப்பு ரயில்கள் இன்று ரத்து செய்யப்படுகிறது. மேலும் சென்னை கடற்கரை – செங்கல்பட்டு இடையே காலை 11.15, 12, 1, 1.20, 2, மணிக்கு இயக்கப்படும் ரயில்கள், சென்னை கடற்கரை- தாம்பரம் இடையே காலை 11.30, 12.20, 12.40, 1.40, 2.30 மணிக்கு இயக்கப்படும் ரயில்கள் சென்னை கடற்கரை- எழும்பூர் இடையே ரத்து செய்யப்படுகிறது.
இதேப்போல், தாம்பரம் – சென்னை கடற்கரை இடையே காலை 10.20 மணிக்கு இயக்கப்படும் ரயில், காஞ்சிபுரம் – சென்னை கடற்கரை இடையே காலை 8.45 மணிக்கு இயக்கப்படும் ரயில், செங்கல்பட்டு – சென்னை கடற்கரை இடையே காலை 10.15, 12.25 மணிக்கு இயக்கப்படும் ரயில்கள், தாம்பரம் – சென்னை கடற்கரை இடையே காலை 11 மணிக்கு இயக்கப்படும் ரயில், தாம்பரம் – சென்னை கடற்கரை இடையே பிற்பகல் 12.10, 12.30, 1.50 மணிக்கு இயக்கப்படும் ரயில்கள், திருமால்பூர் – சென்னை கடற்கரை இடையே காலை 10.40 மணிக்கு இயக்கப்படும் ரயில்கள் இன்று ரத்து செய்யப்படுகிறது இவ்வாறு அறிக்கையில் கூறப்பட்டுள்ளது.