நடிகை ஐஸ்வர்யா ராய் (48) பிரபல இந்தியநடிகை ஆவார். இவர் 1994 இல் உலக அழகியாகத் தேர்வு செய்யப்பட்டவர். இந்தி, தமிழ், பெங்காலி, ஆங்கில மொழிப் படங்களில் நடித்து வருகிறார். மணிரத்னத்தின் இருவர் படத்தில் அறிமுகமானார். இவர் 2007 ஆம் ஆண்டு அபிஷேக் பச்சனைத் திருமணம் செய்துக்கொண்டார்.
இந்நிலையில் இவருக்கு ஏற்கனவே ஒரு குழந்தை உள்ள நிலையில் கர்ப்பமாக உள்ளதாக தகவல்கள் பகிரப்படுகின்றன. ‘பொன்னியின் செல்வன்’ படத்தில் முக்கிய கதாபாத்திரத்தை ஏற்று நடித்துள்ள அவர், அப்படத்தின் டீசர் வெளியீட்டு விழாவில் பங்கேற்காமல் இருந்தார். இந்நிலையில் மும்பை விமான நிலையத்திற்கு மகளுடன் வந்த அவர், தளர்வான உடையுடன் ஓவர் கோர்ட் அணிந்திருந்தார். இதனால் அவர் கர்ப்பமாக இருப்பதாகவும், அதை மறைக்கவே தளர்வான உடை அணிந்துள்ளதாகவும் கூறப்படுகிறது.