மீண்டும் குறைந்த கொரோனா பலி…தமிழக மக்கள் சற்று நிம்மதி…!!!

இந்த நிலையில் இன்றைய கொரோனா பாதிப்பு குறித்த தகவலை தமிழக சுகாதாரத்துறை வெளியிட்டுள்ளது. அதில், தமிழகத்தில் இன்று மேலும் 97 பேர் உயிரிழந்துள்ளனர். இதனால் உயிரிழந்தவர்கள் எண்ணிக்கை 6,614 ஆக அதிகரித்துள்ளது. தமிழகத்தில் இன்று புதிதாக 5,967 பேருக்கு கொரோனா உறுதி செய்யப்பட்டதால் மொத்த பாதிப்பு 3,85,352 ஆக உயர்ந்துள்ளது.

அதிகபட்சமாக சென்னையில் இன்று மட்டும் 1,278 பேருக்கு தொற்று உறுதி செய்யப்பட்டதால் மொத்த எண்ணிக்கை 1,26,677 ஆக எகிறியுள்ளது. தமிழகத்தில் இன்று புதிதாக 6,129 பேர் குணமடைந்து வீடு திரும்பியதால், தற்போது வரை 3,25,456 பேர் கொரோனாவில் இருந்து மீண்டுள்ளனர். தமிழகத்தில் தற்போது வரை 53,282 பேர் மருத்துவமனையில் சிகிச்சை பெற்று வருகின்றனர். தொடர்ந்து 22 நாட்களாக கொரோனா உயிரிழப்பு எண்ணிக்கை 100ஐ கடந்திருந்த நிலையில் தற்போது 3 நாட்களாக 100க்கு கீழ் குறைந்திருப்பதால் மக்கள் நிம்மதி அடைந்துள்ளனர்.