சிவகார்த்திகேயன் அடுத்ததாக நடிக்கும் படத்திற்கு டி.இமான் இசையமைக்க இருப்பதாக தகவல் வெளியாகியுள்ளது.
தமிழ் திரையுலகில் முன்னணி நடிகராக வலம் வரும் சிவகார்த்திகேயன் நடிப்பில் உருவாகியுள்ள டாக்டர், அயலான் ஆகிய படங்கள் ரிலீஸுக்கு தயாராகி வருகிறது. தற்போது இவர் சிபி சக்கரவர்த்தி இயக்கத்தில் டான் படத்தில் நடித்து வருகிறார். இந்த படத்தில் பிரியங்கா மோகன், சூரி, எஸ்.ஜே.சூர்யா, சிவாங்கி, சமுத்திரகனி, பால சரவணன் உள்ளிட்ட பலர் முக்கிய கதாபாத்திரங்களில் நடிக்கின்றனர். இந்த படத்தின் படப்பிடிப்புகள் தற்போது விறுவிறுப்பாக நடைபெற்று வருகிறது. இந்நிலையில் சிவகார்த்திகேயன் அடுத்ததாக நடிக்கும் படம் குறித்த தகவல் வெளியாகியுள்ளது.
அதன்படி இந்த படத்தை பிரபல இயக்குனர் அட்லியிடம் உதவி இயக்குனராக பணியாற்றிய அசோக் இயக்க இருக்கிறார். மேலும் இந்த படத்திற்கு டி.இமான் இசையமைக்க இருப்பதாக கூறப்படுகிறது. இதுகுறித்த அறிவிப்புகள் விரைவில் வெளியாகும் என எதிர்பார்க்கப்படுகிறது. ஏற்கனவே சிவகார்த்திகேயனின் வருத்தப்படாத வாலிபர் சங்கம், ரஜினி முருகன், நம்ம வீட்டு பிள்ளை, சீமராஜா போன்ற படங்களுக்கு டி. இமான் இசையமைத்திருந்தார் என்பது குறிப்பிடத்தக்கது.