இசையமைப்பாளர் அனிருத் அடுத்ததாக தெலுங்கு படத்திற்கு இசையமைக்க உள்ளதாக தகவல் வெளியாகியுள்ளது.
தமிழ் திரையுலகில் அனிருத் நடிகர் தனுஷ் நடிப்பில் வெளியான ‘3’ படத்தின் மூலம் இசையமைப்பாளராக அறிமுகமானவர் . இந்த படத்தில் இவர் இசையில் வெளியான கொலவெறி பாடல் உலக அளவில் பிரபலமடைந்தது . இதைத் தொடர்ந்து இவர் விஜய், அஜித், ரஜினி என பல டாப் ஹீரோக்களின் படங்களுக்கு இசையமைத்து ரசிகர்கள் மனதில் இடம் பிடித்தார். தற்போது முன்னணி இசையமைப்பாளராக வலம் வரும் அனிருத் காத்துவாக்குல ரெண்டு காதல், டான், தளபதி 65, இந்தியன் 2 உள்ளிட்ட பல திரைப்படங்களுக்கு இசையமைத்து வருகிறார்.
மேலும் இவர் ஜெர்சி, கேங் லீடர் போன்ற தெலுங்கு படங்களுக்கும் இசையமைத்துள்ளார் என்பது குறிப்பிடத்தக்கது. இந்நிலையில் அனிருத் மீண்டும் தெலுங்கு படத்திற்கு இசையமைக்கவுள்ளதாக தகவல் வெளியாகியுள்ளது. அதாவது இயக்குனர் கொரட்டலா சிவா இயக்கத்தில் ஜூனியர் என்.டி.ஆர் நடிப்பில் உருவாகும் படத்திற்கு அனிருத் இசையமைக்க உள்ளதாக கூறப்படுகிறது.