ஜிகர்தண்டா 2 திரைப்படத்தில் ராகவா லாரன்ஸ் நடிக்க இருப்பதாக கூறப்படுகின்றது.
கார்த்திக் சுப்பராஜ் இயக்க சித்தார்த் ஹீரோவாக நடிக்க பாபி சிம்ஹா, லட்சுமி மேனன் உள்ளிட்டோர் முக்கிய வேடத்தில் நடித்து வெளியாகி ரசிகர்களிடையே நல்ல வரவேற்பை பெற்ற திரைப்படம் ஜிகர்தண்டா. இத்திரைப்படத்தை சந்தோஷ் நாராயணன் இசையமைக்க கதிரேசன் தயாரித்திருந்தார். இந்த திரைப்படம் இரண்டு தேசிய விருதுகளை தட்டிச்சென்றது. ஒன்று சிறந்த துணை நடிகருக்கான பாபி சிம்ஹாவுக்கும் மற்றொன்று பட தொகுப்பிற்கும் கிடைத்தது.
இத்திரைப்படத்தின் வெற்றியை தொடர்ந்து ஏழு வருடங்களுக்குப் பிறகு தற்போது இரண்டாம் பாகம் உருவாக உள்ளதாக செய்தி வெளிவந்துள்ளது. ஜிகர்தண்டா படத்தை தயாரித்த கதிரேசன் மற்றும் கார்த்திக் சுப்புராஜ் நிறுவனமும் இணைந்து இப்படத்தை தயாரிக்க உள்ளனர். இத்திரைப்படத்தின் படப்பிடிப்பு வருகின்ற அக்டோபர் மாதம் தொடங்கவுள்ளதாக பேசப்படுகின்றது. ஜிகர்தண்டா 2 திரைப்படத்தில் ராகவா லாரன்ஸ் நடிக்க இருப்பதாக கூறப்படுகின்றது.