இம்ரான் கான் மீண்டும் நாளை முதல் பேரணியை தொடங்குகிறார்.
பாகிஸ்தானில் முன்னாள் பிரதமராக இருந்தவர் இம்ரான் கான். இவரது ஆட்சி கடந்த சில நாட்களுக்கு முன்பு கவிழ்க்கப்பட்டது. இதனை எதிர்த்து அவர் தொடர்ந்து பேரணி நடத்தி வருகிறார். அதேபோல் கடந்த வியாழக்கிழமை வாஜிராபாத்தில் நடைபெற்ற அரசுக்கு எதிரான பேரணியில் பங்கேற்று இருந்தார். அப்போது அடையாளம் தெரியாத ஒரு நபர் இம்ரான் கானை துப்பாக்கியால் சுட்டார். இதில் அவரது வலது காலில் துப்பாக்கி குண்டு பாய்ந்தது. இதனையடுத்து அவரை அருகில் இருந்தவர்கள் மீட்டு அவருக்கு சொந்தமான சவுக்கத் காணும் மருத்துவமனையில் அனுமதித்தனர்.
அங்கு அவருக்கு தீவிர சிகிச்சை அளிக்கப்பட்டு வந்தது. இந்நிலையில் அவர் நலமாக இருப்பதாக அவருக்கு சிகிச்சை அளித்த மருத்துவர் பைசல் சுல்தான் என்பவர் பத்திரிக்கையாளர்களிடம் தெரிவித்தார். இந்நிலையில் தற்போது அவர் குணமடைந்து இருப்பதால் நேற்று அதே இடத்தில் இருந்து பேரணி தொடங்கப்படும் என அறிவித்தார். ஆனால் பேரணி மீண்டும் ஒத்தி வைக்கப்பட்டுள்ளது. இதனையடுத்து வரும் வியாழக்கிழமை முதல் மீண்டும் பேரணி தொடரும் என அவரது கட்சி தலைவர்கள் கூறியுள்ளனர்.