கச்சத்தீவில் மீன்பிடித்த ராமேஸ்வரம் மீனவர்களின் படகு மீது இலங்கை கடற்படையினரின் கப்பல் மோதிய சம்பவம் பரபரப்பை ஏற்படுத்தியுள்ளது.
ராமநாதபுரம் மாவட்டம் ராமேஸ்வரம் பகுதியில் இருந்த மீனவர்கள் மீன் பிடிப்பதற்காக கச்சத்தீவு பகுதிக்கு சென்றுள்ளனர். இந்நிலையில் அவர்கள் மீன்பிடித்துக் கொண்டிருக்கும் போது அங்கு வந்த இலங்கை கடற்படையினரின் கப்பல் மீனவர்களின் விசைப்படகு மீது மோதியுள்ளது, அப்போது விசைப்படகுகள் கடலில் மூழ்கியதால் அதில் இருந்த 7 மீனவர்களும் கடலில் குதித்துள்ளனர்.
இதனையடுத்து இலங்கை கடற்படை கப்பல் அங்கிருந்து சென்ற பிறகு மற்ற விசைப்படகுகளில் இருந்த மீனவர்கள் உடனடியாக கடலில் தத்தளித்த 7 மீனவர்களையும் மீட்டு ராமேஸ்வரத்திற்கு அழைத்து வந்துள்ளனர். இச்சம்பவம் மீனவர்களிடையே பெரும் அதிர்ச்சியை ஏற்படுத்தியுள்ளது.