தமிழகம் முழுவதும் கடந்த சில நாட்களாக கொரோனா பாதிப்பு மீண்டும் அதிகரிக்க தொடங்கியுள்ளது. அதனால் கூடுதல் கட்டுப்பாடுகள் விதிப்பது தொடர்பாக முதல்வர் ஸ்டாலின் மருத்துவ நிபுணர்களுடன் கடந்த இரண்டு நாட்களாக ஆலோசனை நடத்தி வந்தார். அந்த ஆலோசனை கூட்டத்தில் தமிழகத்தில் மீண்டும் ஊரடங்கு அமல்படுத்தப்படுவது மற்றும் பள்ளிகள் மூடுவது குறித்த கருத்துக்கள் முன்வைக்கப்பட்டது.
இதையடுத்து தமிழகத்தில் கூடுதல் கட்டுப்பாடுகளை அமல்படுத்தி சற்றுமுன் தமிழக அரசு அறிவித்துள்ளது. அதன்படி தமிழகத்தில் நாளை முதல் இரவு 10 மணி முதல் காலை 5 மணி வரை இரவு நேர ஊரடங்கு அமலுக்கு வருகிறது. அதன்பின் ஒன்றுக்கும் மேற்பட்ட மீன், காய்கறி சந்தைகளை ஏற்படுத்த நடவடிக்கை எடுக்கப்பட்டுள்ளது. வார இறுதி நாட்களில் மீன் மற்றும் காய்கறி சந்தைகளில் கூட்டத்தை தவிர்க்க வேண்டும். மேலும் மீன், காய்கறிச் சந்தைகள் வார இறுதி நாட்களில் ஒரே இடத்தில் செயல்பட தடை விதிக்கப்பட்டுள்ளது.