இன்று முதல் நாள் என்பதால் முகக்கவசம் அணியாமல் வருபவர்களை நிறுத்தி காவல்துறையினர் முகக்கவசம் வழங்கிய அறிவுரை வழங்கி வருகின்றனர். தமிழகத்தில் கடந்த சில நாட்களாக கொரோனா தொற்று தொடர்ந்து அதிகரித்து வருகின்றது. குறிப்பாக பி ஏ 5 என்ற வைரஸ் தமிழகத்தில் 25 சதவீதம் காணப்படுகிறது. முக்கியமாக தமிழகத்தில் நகர்ப்பகுதிகளில் தொற்று பரவல் அதிகரித்து வருகிறது. இவற்றை கட்டுப்படுத்த நோய் தடுப்பு நடவடிக்கைகளில் தீவிரம் காட்ட வேண்டியது அவசியம்.
எனவே தமிழக அரசின் வழிகாட்டு நெறிமுறைகளை பொதுமக்கள் கடைபிடிக்காத நிலையில் அதனை தீவிரப்படுத்த முயற்சியில் அரசு ஈடுபட்டுள்ளது. இதன் ஒருபகுதியாக தமிழகத்தின் முகக் கவசம் அணிதல் இன்று முதல் கட்டாயமாக்கப்பட்டுள்ளது. மேலும் முக கவசம் அணியாதவர்களுக்கு அபராதம் விதிக்கப்படும் எனவும், சுகாதாரத்துறை எச்சரித்துள்ளது. இந்நிலையில் ஈரோடு மாவட்ட எஸ்பி சண்முகம் தலைமையிலான குழு நகரின் முக்கிய பகுதிகளில் சோதனை செய்தனர். அதில் முகக் கவசம் அணியாமல் வருபவர்களுக்கு காவல்துறையினர் அறிவுரை வழங்கினர். இன்று முதல் நாள் என்பதால் முக கவசம் அணியாமல் வருபவர்களை நிறுத்தி முகக்கவசம் வழங்கிய அறிவுரை கூறியுள்ளனர். நாளையும் மக்கள் முகக்கவசம் அணியாமல் வந்தால் கட்டாயம் அபராதம் விதிக்கப்படும் என்று அவர் தெரிவித்துள்ளார்.