தரிசனத்துக்காக திருப்பதி மலைக்கு வந்த நடிகர் சிம்பு தனது புதிய படத்தின் கெட்டப் தெரிந்துவிடக்கூடாது என்பதற்காக முகத்தை மூடியபடி காரில் வேகமாக ஏறினார்.
நடிகர் சிம்புவிற்கு விரைவில் திருமணம் ஆக வேண்டும் என்பதற்காக சிம்புவின் ரசிகர்கள் சில நாட்களுக்கு முன் முருகன் கோவிலில் முட்டியிட்டபடி படியில் ஏறி வேண்டுதலை நிறைவேற்றினர். இந்நிலையில் நடிகர் சிம்பு சாமி தரிசனத்திற்காக திருப்பதி மலைக்கு வந்துள்ளார். தரிசனம் முடிந்து சிம்பு தன் முகத்தை யாருக்கும் காட்டாமல் துணியால் மூடியபடி வேகமாக நடந்து காரில் ஏறி சென்றுள்ளார்.
வெங்கட் பிரபு இயக்கத்தில் சிம்பு நடிக்கும் ‘மாநாடு’ படத்தின் படப்பிடிப்பு வருகின்ற நவம்பர் மாதம் முதல் துவங்க இருப்பதாக அப்படத்தின் தயாரிப்பாளர் ஏற்கனவே கூறியிருந்தார்.கிராமத்து பின்னணி கொண்ட இப்படத்தில் நடிக்கும் நடிகர் சிம்பு தன் எடையில் இருந்து இருபது கிலோ வரை குறைத்து இருப்பதாக தகவல் வெளியாகியுள்ளது. இந்நிலையில் மாநாடு படத்திற்கான தனது கெட்டப் வெளியே தெரிந்துவிடக்கூடாது என்பதற்காக முகத்தை மூடி காரில் விரைவாக ஏறி உள்ளதாக தகவல்கள் கசிந்துள்ளது.