இந்த வேகப்பந்து வீச்சாளர் இனி இந்திய அணியின் டி20 கிரிக்கெட் தொடரில் இடம்பெற மாட்டார் என தகவல் வெளியாகியுள்ளது.
இந்திய அணியில் தற்போது பல மாற்றங்கள் அரங்கேறி வருவதை நாம் பார்த்து தான் வருகிறோம். அதன்படி பார்த்தோம் என்றால் சமீப காலமாக நடந்து முடிந்த டி20 தொடரில் எக்கச்சக்கமாக இளம் வீரர்களுக்கு வாய்ப்புகள் வழங்கப்பட்டு வருகின்றது.. இதன் காரணமாக சீனியர் வீரர்கள் புறக்கணிக்கப்பட்டு இளம் வீரர்கள் அடங்கிய அணியே தேர்வு செய்யப்பட்டு வருகிறது. குறிப்பாக சொன்னால் பந்துவீச்சை பொறுத்த வரையில் சீனியர் பாவலர்களான பும்ரா, புவனேஸ்வர் குமார் இருவரை தவிர பல சீனியர் பவுலர்கள் ஓரங்கட்டப்பட்டு விட்டனர் என்று தான் சொல்ல வேண்டும்..
அவர்களுக்கு பதிலாக புதியதாக இளம் வீரர்கள் ஆவேஷ் கான், அர்ஷ்தீப் சிங், உம்ரான் மாலிக், பிரசித் கிருஷ்ணா உள்ளிட்ட இளம் வேகப்பந்து வீச்சாளர்களுக்கு வாய்ப்பு வழங்கப்பட்டு வருகின்றது.. அந்த வகையில், இந்திய அணியின் சீனியர் பவுலரான முகமது ஷமிக்கு இனி இந்திய டி20 அணியில் வாய்ப்பு கிடைக்காது என்று சமூக வலைதளங்களில் தற்போது தகவல்கள் வெளியாகி உள்ளது. ஏனென்றால் கடந்த 2021 ஆம் ஆண்டு ஐக்கிய அரபு அமீரகத்தில் நடந்து முடிந்த டி20 உலக கோப்பை தொடருக்கு பின்னர் டி20 கிரிக்கெட்டில் இருந்து முகமது சமி புறக்கணிக்கப்பட்டுள்ளார் என்பது தெள்ளத் தெளிவாக தெரிகிறது..
மேலும் வருகின்ற டி20 தொடர் உலகக் கோப்பையிலும் இந்திய அணியில் அவர் இடம் பெற வாய்ப்பு இல்லை என்று பிசிசிஐ தரப்பில் தகவல் ஒன்று வெளியாகி உள்ளது.. எனவே முகமது ஷமிக்கு பதிலாக இனி வருகின்ற டி20 தொடர்களிலும் சரி, டி20 கிரிக்கெட்டிலும் சரி இளம்வீரர்களுக்கே வாய்ப்புகள் வழங்கப்படும் என்று சொல்லப்படுகிறது. மேலும் ஷமியை ஒருநாள் மற்றும் டெஸ்ட் போட்டியில் பயன்படுத்த பிசிசிஐ முடிவு செய்திருப்பதாக கூறப்படுகிறது. எனவே வருகின்ற டி20 உலக கோப்பை கிரிக்கெட் தொடரில் அவருக்கு வாய்ப்பு பறிபோகும் என்பது உறுதியாகிவிட்டது.
மேலும் கடந்த ஆண்டு டி20 உலக கோப்பை தொடர் முடிந்தபின் பிசிசிஐ தரப்பில் இருந்து முகமது சமியிடம் அவரது பணி சுமை பற்றி பேச்சுவார்த்தையும் நடத்தப்பட்டதாக தெரிகிறது. அதில் இனிவரும் டி20 கிரிக்கெட் தொடரில் உங்களுக்கு பதிலாக இளம்வீரர்களுக்கு வாய்ப்பு வழங்கப்படும் என்று தேர்வு குழுவினர் அவரிடம் தெரிவித்ததாக ஒரு தகவல் வெளியாகியுள்ளது.
மேலும் அதேபோல ஷிகர் தவானுக்கும் டி20 கிரிக்கெட்டில் இனிமேல் வாய்ப்பு வழங்கப்படாது என்றும், ஒரு நாள் போட்டி தொடரில் மட்டுமே அவர் பங்கு பெறுவார் என்றும் ஒரு தகவல் வெளியாகி உள்ளது. முகமது சமி புதுப்பந்தில் மிகச் சிறப்பாக பந்து வீசி வரும் வேளையில் டெத் ஓவர்களில் பந்து வீச சற்று தடுமாறுகிறார்.
அதே சமயத்தில் சமிக்கு பதிலாக இடம் பெறுவதற்கு பவர் பிளே ஓவர்களிலும், டெத் ஓவர்களிலும் பந்து வீசுவதற்கு வாய்ப்புகள் வழங்கப்பட்டு வருகின்றது. அதன்படி திறமையான இளம் வீரரை சேர்ப்பதற்காகவே முகமது சமிக்கு வாய்ப்பு மறுக்கப்பட்டுள்ளதாக தெரிவிக்கப்பட்டுள்ளது. முகமது சமி இந்திய அணிக்காக கடந்த 2014 ஆம் ஆண்டு டி20 கிரிக்கெட்டில் அடி எடுத்து வைத்தார். கிட்டத்தட்ட 8 ஆண்டுகளில் இதுவரை 17 டி20 போட்டிகளில் மட்டுமே விளையாடி உள்ளார் என்பது நினைவு கூறத்தக்கது.