தமிழ் சினிமாவினுடைய பிரபல இயக்குனர் மற்றும் நடிகர் பார்த்திபன் வித்தியாசமான படைப்புகளால் ரசிகர்களை கவர்ந்து வருகிறார். அண்மையில் நடந்த தேசிய திரைப்பட விருதுகள் விழாவில் ஒத்த செருப்பு சைஸ் 7 படத்திற்காக ஸ்பெஷல் ஜூரி விருதை பார்த்திபன் பெற்றார். தற்போது அந்த படத்தின் இந்தி ரீமேக்கில் ஈடுபட்டுள்ளார். மேலும் இரவின் நிழல் எனும் தமிழ் திரைப்படத்தையும் அவர் இயக்கியுள்ளார். ஒரே ஷாட்டில் படமாக்கப்பட்ட முதல் திரைப்படமான இரவின் நிழலுக்கு ஆஸ்கர் நாயகன் ஏ ஆர் ரஹ்மான் இசை அமைத்துள்ளார்.
இந்நிலையில் நடிகர் பார்த்திபனுக்கு துபாயின் அடையாள மற்றும் குடியுரிமைக்கான ஆணையத்தின் (ICA) அதிகாரிகள் விசாவை வழங்கினர். இதனால் துபாய் அரசுக்கு பார்த்திபன் தனது நன்றியை தெரிவித்துள்ளார். அப்போது துபாயில் இருந்து பார்த்திபன் பேசியபோது, எனக்கு கோல்டன் விசா வழங்கப்பட்டதற்கு மிகவும் மகிழ்ச்சியடைகிறேன். துபாய் அரசுக்கு எனது மனமார்ந்த நன்றிகள்” என்று பேசினார்.
ஐக்கிய அரபு எமிரேட்ஸ் கோல்டன் விசா என்பது நீண்டகால குடியிருப்பு விசா முறையாகும். இது 5 முதல் 10 வருடங்கள் வரை நீட்டிக்கப்படுகிறது. மேலும் தானாகவே புதுப்பிக்கப்படும் வசதியையும் கொடுள்ளது. இது பல்வேறு துறைகளைச் சார்ந்த சாதனையாளர்கள், தொழில் வல்லுநர்கள், முதலீட்டாளர்கள் மற்றும் அரிய திறன்களைக் கொண்டவர்களுக்கு வழங்கப்படுகிறது.