முதல்வர் ஸ்டாலின் போட்ட அதிரடி உத்தரவால் டிஜிபி சைலேந்திரபாபு பல நடவடிக்கைகளை எடுக்க உள்ளதாக தகவல் வெளியாகியுள்ளது.
சென்னை தலைமை செயலகத்தில் முதல்வர் மு.க.ஸ்டாலின் தலைமையில் மாவட்ட ஆட்சியர்கள், எஸ்பிக்கள் மற்றும் வனத்துறை அலுவலர்கள் மாநாடு தொடங்கி நடைபெற்று வருகிறது. அப்போது திமுக தலைவரும் முதல்வருமான மு.க.ஸ்டாலின் கூறியுள்ளதாவது, தமிழகத்தில் சட்டம் – ஒழுங்கு சீராக இருப்பதை மாவட்ட நிர்வாகமானது ஒருங்கிணைந்து கண்காணிக்க வேண்டும் எனவும், சட்டம் ,ஒழுங்கு தொடர்பான விஷயத்தில் நான் சமரசம் செய்து கொள்ள மாட்டேன் என்றும் கூறியுள்ளார்.
மேலும் பெண்கள் மற்றும் குழந்தைகளுக்கு எதிரான குற்றங்கள், போதைப்பொருள் குற்றங்கள் போன்றவற்றை அரசு ஒருபோதும் அனுமதிக்காது என்று கூறிய அவர், மத நல்லிணக்கத்திற்கு தீங்கு விளைவிக்கும் செயலில் யார் ஈடுபட்டாலும் உடனடியாக அவர்கள் மீது எந்தவித தயவும் காட்டாது நடவடிக்கை எடுக்க வேண்டும். இதையடுத்து கட்டப்பஞ்சாயத்து, அடிதடி, மோசடி, நில அபகரிப்பு உள்ளிட்ட செயல்களில் மக்களை பாதிக்கக்கூடிய வகையில் ஈடுபடுவோர் யாராக இருந்தாலும் அவர்களை ஒடுக்குவதில் எவ்வித பாரபட்சமும் காட்டக்கூடாது.
“சட்டம் ஒழுங்கிற்கும், பொது அமைதிக்கும் குந்தகம் விளைவிக்கும் சமூக விரோத சக்திகளை, கூலிப்படைகளை, இரும்புக்கரம் கொண்டு ஒடுக்க வேண்டும்” என, முதலமைச்சர் மு.க.ஸ்டாலின் உத்தரவிட்டுள்ளார்.
இதனை தொடர்ந்து மாவட்ட அளவில் முடிக்க வேண்டிய நடவடிக்கையை உரிய காலத்தில் முடிக்காமல் இருப்பதால், பொதுமக்கள் மனுக்களை தலைமை செயலகத்திற்கு அனுப்பி வைக்கின்றனர். மேலும் எனது கனவு திட்டமான ‘தமிழகம் நம்பர் 1’ என்ற நிலையை அடையும் திட்டத்தை உங்களிடம் ஒப்படைக்கிறேன் என்று கூறியுள்ளார்.இதனை தொடர்ந்து மாவட்ட அளவில் உள்ள அதிகாரிகளின் செயல்பாடுகளைப் பொருத்தே, மக்கள் நலன் சார்ந்த திட்டங்களில் வெற்றி என்பது அமையும்.
இதனால் அனைவரும் முழு அர்ப்பணிப்போடு, நேர்மையாகவும் செயல்பட வேண்டும் என்றும் அரசு, அப்படி செயல்படுவோருக்காக என்றும் உறுதுணையாக இருக்கும் என முதல்வர் கூறியுள்ளார். இதையடுத்து முதலமைச்சரின் இந்த அதிரடி பேச்சால், மாவட்ட காவல் கண்காணிப்பாளர்களுக்கு, டிஜிபி சைலேந்திரபாபு பல்வேறு அதிரடி உத்தரவுகளை வழங்கி உள்ளதாக தகவல் வெளியாகியுள்ளது.