கௌதம் மேனன் இயக்கத்தில் நடிகர் சிம்பு நடிப்பில் தரமான கேங்ஸ்டர் படமாக வெளியாகி உள்ள வெந்து தணிந்தது காடு படம் முதல் நாளில் நல்ல ஓப்பனிங் கொடுத்துள்ளதாக தகவல்கள் வெளியாகி உள்ளன. ரசிகர்கள் பெரிதும் எதிர்ப்பார்த்த இந்த படம் ரசிகர்களின் எதிர்ப்பார்ப்பை பூர்த்தி செய்துள்ளது என்று தான் கூற வேண்டும்.
சுமார் 500 ஸ்க்ரீன்களுக்கு மேல் திரையிடப்பட்ட வெந்து தணிந்தது காடு முதல் நாளில் 80 சதவீதம் நிரம்பி படக்குழுவுக்கு வசூலை வாரிக் கொடுத்துள்ளதாக கூறுகின்றனர். படத்திற்கு ரசிகர்கள் மத்தியிலும், மக்கள் மத்தியிலும் நல்ல வரவேற்பு கிடைத்துள்ளது. இப்படம் வெளியான முதல் நாளில் மட்டும் ரூ.6.85 கோடி வசூல் செய்துள்ளதாக பாக்ஸ் ஆபிஸ் வட்டாரங்கள் தகவல் தெரிவிக்கின்றன. இது சிம்பு படத்தின் வசூலில் புதிய மைல் கல். நாளை, நாளை மறுநாள் விடுமுறை என்பதால் வசூலை வாரி குவிக்கும் என எதிர்பார்க்கப்படுகிறது. இப்படம் முதல் நாள் முடிவில் உலகம் முழுவதும் ரூ.15 கோடி வரை வசூல் சாதனை செய்துள்ளதாகக் கூறப்படுகிறது.