முன்னாள் முதல்வர் லாலுவின் உடல்நிலை மோசம்…. எய்ம்ஸ் மருத்துவமனையில் அனுமதி….!!!!

பிகார் முன்னாள் முதலமைச்சரும் ராஷ்ட்ரிய ஜனதா தளம் கட்சியின் தலைவருமான லாலு பிரசாத் யாதவ், கடந்த 4ம் தேதி பாட்னாவில் உள்ள தனது வீட்டின் மாடிப்படிகளில் இருந்து விழுந்ததில் வலது கை தோல்பட்டை மற்றும் முதுகுப் பகுதிகளில் பலத்த காயம் ஏற்பட்டதாகக் கூறப்படுகிறது.இதையடுத்து பாட்னாவில் உள்ள தனியார் மருத்துவமனையான பரஸ் மருத்துவமனையில் அவர் அனுமதிக்கப்பட்டார்.

அங்கு அவருக்கு சிகிச்சை அளிக்கப்பட்டு வந்தது.இந்நிலையில், லாலுவின் உடல்நிலை தொடர்ந்து மோசமடைந்து வரும் நிலையில் மேல்சிகிச்சைக்காக டெல்லியில் உள்ள எய்ம்ஸ் மருத்துவமனைக்கு அவர் கொண்டு செல்லப்பட்டுள்ளார். அங்கு தொடர்ந்து சிகிச்சை அளிக்கப்படுகிறது.