முன்விரோதம் காரணமாக கணவன்-மனைவி இருவரையும் வீடு புகுந்து தாக்கிய வாலிபரை போலீசார் கைது செய்தனர்.
திருவாரூர் மாவட்டத்தில் உள்ள கோட்டூர் பகுதியில் சேகர் என்பவர் வசித்து வருகிறார். அவருக்கும் அதே பகுதியில் வசித்து வரும் முத்தரசன் என்பவருக்கும் இடையே நேற்று தகராறு ஏற்பட்டுள்ளது. இதனால் சேகரின் மீது முத்தரசனுக்கு கடும் கோபம் எழுந்தது. இதையடுத்து முத்தரசன் அவரது உறவினர்கள் 3 பேரை சேர்த்துக் கொண்டு சேகரை வீடு புகுந்து தாக்கியுள்ளார். அப்போது அவர்களை தடுக்க முயன்ற சேகரின் மனைவி விஜயாவின் மீதும் கடுமையாக தாக்கியுள்ளனர்.
இதனால் படுகாயமடைந்த கணவன், மனைவி இருவரையும் அவரது உறவினர்கள் சிகிச்சைக்காக திருத்துறைப்பூண்டி அரசு மருத்துவமனைக்கு அனுப்பி வைத்தனர். இச்சம்பவம் குறித்து விக்கிரபாண்டியம் காவல் நிலையத்தில் சேகர் புகார் அளித்துள்ளார். அந்த புகாரின் பேரில் விக்கிரபாண்டியம் காவல்துறையினர் முத்தரசன் மற்றும் அவரது உறவினர் 3 பேர் மீது வழக்கு பதிந்து விசாரணை மேற்கொண்டு வருகின்றனர். இதையடுத்து முத்தரசனை கைது செய்த போலீசார் மேலும் 3 பேரை வலைவீசி தேடி வருகின்றனர்.