முப்படை தளபதிகள் குழுவின் தலைவராக இராணுவத்தளபதி மனோஜ் முகுந்த் நரவானே நியமிக்கப்பட்டுள்ளார்.
தமிழகத்தில் நீலகிரி மாவட்டம் குன்னூர் அருகே காட்டேரி மலைப்பகுதியில் கடந்த 8ஆம் தேதி நடந்த ஹெலிகாப்டர் விபத்தில் முப்படையின் தலைமை தளபதி பிபின் ராவத், அவரது மனைவி மதுலிகா ராவத் உட்பட 13 பேர் உயிரிழந்தனர். இதில் 80% காயத்துடன் மீட்கப்பட்ட குரூப் கேப்டன் வருண் சிங் பெங்களூரு விமானப் படை மருத்துவமனையில் சிகிச்சை பெற்று வந்த நிலையில், நேற்று மரணம் அடைந்தார். இதனால் ஹெலிகாப்டரில் பயணம் செய்த 14 பேருமே உயிரிழந்தனர்.. இதற்கிடையே முப்படை தலைமை தளபதி பிபின் ராவத் இறந்துவிட்டதால், அடுத்ததாக யாரை தலைமை தளபதியாக தேர்வு செய்யலாம் என்று மத்திய அரசு ஆலோசனை நடத்தி வந்தது.
இந்த நிலையில் முப்படை தளபதிகள் குழுவின் தலைவராக இராணுவத்தளபதி மனோஜ் முகுந்த் நரவானே நியமிக்கப்பட்டுள்ளார். முப்படைத் தளபதிகளின் மூத்தவர் என்ற அடிப்படையில் குழுவின் தலைவராக எம்.எம் நரவானே நியமனம் செய்யப்பட்டுள்ளார்.. முப்படை தளபதி பிபின் ராவத் மறைவால் இடைக்கால ஏற்பாடாக மத்திய அரசு இந்த நடவடிக்கையை எடுத்துள்ளது.
முப்படைகளின் தலைமைத் தளபதி தேர்வு செய்யப்படும் வரை குழுவின் தலைவராக நரவானே தொடர்வார் என்று தெரிவிக்கப்பட்டுள்ளது.