மும்பையில் இருசக்கர வாகனம் நிறுத்தும் இடத்தில் தீ விபத்து ஏற்பட்டு வாகனங்கள் எரிந்து நாசமான சம்பவம் பரபரப்பை ஏற்படுத்தியுள்ளது.
மஹாராஷ்டிரா மாநில தலைநகர் மும்பையிலுள்ள நேரு நகரில் அமைந்துள்ள தம்ம சொசைட்டி என்கிற கூட்டுறவு சங்க வளாகத்தின் இரு சக்கர வாகன நிறுத்துமிடத்தில் திடீரென பயங்கர தீ ஏற்பட்டது. இதில் அங்கு நிறுத்தப்பட்டிருந்த சுமார் 25 இரு சக்கர வாகனங்கள் தீயில் கருகி சாம்பலாகின.மோட்டார் வாகனங்களில் தீப்பற்றி இருந்ததால் அப்பகுதியே பெரும் தீப்பிழம்புகளால் சூழப்பட்டது. பின்னர் அங்கு வந்த தீயணைப்புப்படை வீரர்கள் பெரும் போராட்டத்திற்கு பிறகு தீயை கட்டுக்குள் கொண்டு வந்தனர்.